रसुवा — प्रतिनिधि सभा सदस्य निर्वाचनअन्तर्गत रसुवा जिल्लामा जारी मतगणनामा नेपाली कांग्रेसका उम्मेदवार इन्जिनियर मोहन आचार्यले फराकिलो अग्रता कायम गरेका छन्।
बिज्ञापन
हालसम्म २२ हजार ४० मत गणना हुँदा आचार्यले ९ हजार १ सय ३४ मत प्राप्त गरेका छन्। उनका निकटतम प्रतिद्वन्द्वी राष्ट्रिय स्वतन्त्र पार्टीका बसन्त भट्टले ४ हजार ८ सय ६० मत प्राप्त गरेका छन्।
बिज्ञापन
त्यसैगरी नेकपा (एमाले) का उम्मेदवार प्रेमबहादुर तामाङले ४ हजार २ सय ६० मत प्राप्त गरेका छन्। उज्यालो नेपालका उम्मेदवार मानबहादुर तामाङले १ हजार ३ सय ६७ मत प्राप्त गरेका छन् भने नेपाल कम्युनिस्ट पार्टीका उम्मेदवार माधवप्रसाद लामिछानेले ८ सय ३१ मत प्राप्त गरेका छन्।
जिल्ला निर्वाचन कार्यालयका अनुसार हालसम्म १ हजार ६० मत बदर भएको छ। मतगणना जारी रहेको छ।
बिज्ञापन
